Wednesday, November 16, 2011

Missa pro Defunctis

Die 15a Novembris, sive a.d. XVII Kal. Dec., congregati sumus apud divi Augustini monasterium ut Missa pro defunctis fratribus, amicis ac benefactoribus Parvi Oratorii offerretur. Sacrum enim reverendus pater Harrius Neely, O.S.A. celebravit, fratribus Georgio, Davide Robertoque ei ministrantibus. Cantus autem Gregorianos bene cecinerunt fratres Ronaldus, Thomas ac Richardus a fratre Johanne ducti. Deinde, Missa completa, absolutio fidelium facta est. 





Pellicula cinematographica totius Missae

Saturday, November 5, 2011

Phonogrammata ex vesperis Sanctorum omnium

Amici lectores, audite musicam ex vesperis Sanctorum omnium:

Placare, Christe, servulis, J. M. Validus fecit.

Angeli, archangeli + Magnificat I toni anima mea + Angeli, archangeli Ignotus, Christophorus (vulgo, Cristobal) de Moralibus, Andreas Gabrielli fecerunt.

Ave, Dei patris filia J. M. Validus fecit.

O quam gloriosum Thomas Ludovicus de Victoria fecit.

Tantum ergo Joannes B. Polhamus fecit.

Nonne caelestis musica fuit?

Thursday, November 3, 2011

Photogrammata de vesperis solemnibus in festo Sanctorum omnium.

Pridie Kal. Nov. A.D. MMXI, solemnes preces versperinae in honorem Sanctorum omnium celebratae sunt in basilica s. Joannis Capistrani. Quinque enim clerici praemonstratenses ex abbatia s. Michaelis, pluvialibus induti, officio praefuerunt, sodalibus Chori Breviarii et fratribus Parvi Oratorii in choro canentibus. Tertius autem chorus adfuit qui suavissimam musicam polyphonicam cecinit, a Joanne Polhamo ductus.