Wednesday, May 28, 2014

In Festo s. Philippi Nerii

Die 26o Majii, a.d. VII Kal. Jun., in ecclesia s. Joanni a Cruce dicata, Lemoneto in California, Missarum solemnia in honorem s. Philippi Nerii, patroni nostri,  a rev. dom. Gregorio Eichman, F.S.S.P. celebrata sunt. Fratres autem Parvi Oratorii una cum Chori Breviarii psalmistis  et ad altare ministraverunt et cantus Gregorianos cecinerunt. Deinde, sacro perfecto, omnes in ecclesia christifideles reliquias sancti viri devote venerati sunt. Si autem plus scire cupiatis de s. Philippo Nerio, in hoc libro Latine scripto vitam ejus discetis. Pulchras vero plurimasque imagines a fratribus Ronaldo et Jonatha confectas nunc aspicite, fideles lectores. Utinam pulchritudo non ad sensuum delectationem deducat, sed  mentes elevet vestras ad Christum, imaginem expressam Patris (sicut s. Thomas Aquinas docet), et per Christum ad Deum, in Spiritu Sancto.


















Wednesday, May 21, 2014

Photogrammata de Vesperis IV Dominicae post Pascham

Hieronymus Nadal, S.J.(1507-1580)
Jesus apostolis valedicit 

Die decima octava hujus mensis, a.d. XV Kal. Jun., Dominica IV post Pascham, iterum cecinimus preces vespertinas in ecclesia s. Vincentio a Paulo dicata. Quo, aestate  appropinquante, non revertemur usque ad mensem Septembrem. Intuimini autem, amici lectores, imaginem a Jesuita artifice confectam, illius Dominicae subjectum significantem. Dominus enim Jesus apostolis valedicit ante admirabilem ascensionem suam.
Factum per Admarket's flickrSLiDR.