Missa in honorem S. Stephani Protomartyris

Hodie, ante diem VII Kalendas Januarias, Missa s. Stephani in ecclesia beatae Mariae virginis Immaculatae Conceptionis dicata celebrata est a parocho, reverendo domino Richardo Perozich, ministrantibus atque canentibus fratribus Parvi Oratorii necnon Chori Breviarii psalmistis. Sacerdos autem sermocinans monuit nos ut beatum Stephanum imitaremur confitendo Dominum Jesum Christum, verum Deum et verum hominem, salvatorem nostrum.

Lectio Regulae sancti Benedicti

Ecce, amici lectores, lectio regulae sancti Benedicti Nursiani nuper confecta. Spero vero fore ut fruamini. 

Opto vobis carisque vestris felicem diem Natalem Domini et prosperum novum annum!

Lectio Sancti Augustini Confessionum

Invenitur, lectores carissimi, in situ cui nomen Librivox lectio ista de S. Augustini Confessionum libris tredecim. Etsi non semper sermo Augustini facile intelligitur, nam de rebus altissimis ille loquitur, multoties auscultando sensus paulatim liquet.

Imagines de Vesperis ultimae Dominicae post Pentecosten

Servo vestro absente, fratres Parvi Oratorii optime se gesserunt canentes preces vespertinas ultimae Dominicae post Pentecosten in templo Immaculatae Conceptioni dicato. Glorior ergo in fratribus meis qui non indigent adjutorio hominis. Nam hebdomadarius, rev. domino Richardo Perozich, transmisit mihi  epistulam gratulatoriam a pia muliere quae opere Dei per fratres valde aedificata erat. Mactete virtute, fratres!

Imagines de festo Sanctorum omnium et de commemoratione omnium fidelium defunctorum

In Vigilia Sanctorum Omnium,

ad primas Vesperas,

in ecclesia divo Carolo Borromaeo dicata.

Kalendis Novembris

Ad secundas Vesperas Sanctorum Omnium

in ecclesia Immaculatae Beatae Mariae Virginis Conceptioni dicata

In commemoratione omnium fidelium defunctorum,

ad Missam,

in ecclesia Immaculatae Beatae Mariae Virginis Conceptioni dicata

Per tres dies fratres Parvi Oratorii cum psalmistis Chori Breviarii laudes Deo ter fuderunt. Pervigilio enim Sanctorum Omnium preces vespertinae cantae sunt in ecclesia sancti Caroli Borromaei, Litore Imperiali, hebodmadario rev. dom. Burto Boudoin. Deinde, Kalendis Novembris, in ecclesia Immaculatae Conceptionis, secundae preces vespertinae auditae sunt, hebdomadario rev. patre Hariio Neely, O.S.A. Postremo, ante diem iv Nonas Novembres, Missa pro omnibus fidelibus defunctis celebrata est in eodem templo a rev. dom. Mattheo Alejo. Sacro expleto, absolutio ter facta est. Primo, in ecclesia ipsa. Secondo, cum eo per vias Veteris Urbis processisemus, ubi in antiquo sacello requiescit dominus Josephus Aguirre, qui domum suam donavit ut fieret prima ecclesia paroecialis Didacopolitana. Tertio, in propinquo campo sancto ecclesiae adnexo. Benigne suscipiat Deus orationes servorum suorum.