Die 20o Martii, convenimus in ecclesia s. Joanni evangelistae dicata ut preces quae Tenebrae dicuntur caneremus. Nam officium Matutini et Laudum in tribus diebus ante Pascha Tenebrae nominatur, quia, cantoribus canentibus, candelae extinguuntur donec ecclesia postremo tenebrosa fiat. Cum Chorus Breviarii conditus esset ut officium Tenebrarum caneret abhinc decem annis, primo preces illas effudit in ecclesia s. Maximiliani Kolbe sine hebdomadario. Hoc autem anno, hebdomadarius fuit a nobis dilectissimus rev. p. Henricus Neely, O.S.A.. In choro sedit etiam rev. dom. Georgius Sancta Anna, parochi auxiliator apud s. Joannem. Clericis gratias agimus sed et ministrantibus Davidi Lupo et Michaeli Grutae.
Omnia parata sunt
Audite nos breviter canentes
Precibus cantis, ecce nos in sacristia.
