Die dominica, a.d. VI Kal. Apr. (30a Martii), fratres Parvi Oratorii ac psalmistae Chori Breviarii, a domina Carmela Pyle organum pulsatrice invitati, castra militum classicorum Miramarina introierunt. Ibi enim cantus gregorianos cecinerunt in Missa erga novum missale Romanum celebrata a reverendo patre Paulo Shaughnessy, S.J.
Sacro oblato, mensa nobis parata est ut crustula, olera, et fructus sumeremus atque potiones sorbiremus. Gratias agamus ob hospitalitatem!
No comments:
Post a Comment