Primae Vesperae in Assumptione Beatae Mariae Virginis

Ante diem undevicesimum Kalendas Septembres, in oppido Ramona, solemnes primae Vesperae Assumptionis Beatae Mariae Virginis celebratae sunt in ecclesia Immaculato Cordi ejus dicata. Parochus, reverendus dominus Andreas Ramos, precibus ut hebdomadarius praefuit, adsistentibus ei diacono Andrea Escobedo ac domino Guilelmo Turner, necnon fratribus Parvi Oratorii atque psalmistis Chori Breviarii ministrantibus. Vesperis expletis, litaniae Lauretanae cantae sunt coram Sanctissimo Sacramento. Profecto decuit Foederis Arcam ac Turrim Eburneam, inter cujus viscera Verbum divinum Patri consubstantiale per Spiritum Sanctum se clausit, corruptionem vitare atque in caelum assumi. 

  

Imagines de eventibus in fine hebdomadae

Kalendis Augustis, in ecclesia Immaculatae Conceptioni B.M.V. dicata, fratres Parvi Oratorii et Chori Breviarii sodales cecinerunt ac ministraverunt in Missa pro defuncta Dolorosa Septima, matre celebrantis, rev. dom. Scoti Septimi. Sacro oblato, exequiae erga Rituale Romanum completae sunt est  in sepulcreto. Anima ejus et animae omnium fidelium defunctorum per misericordiam Dei requiescant in pace. Amen. 

Postero die, preces vespertinae cum Benedictione Sanctissimi Sacramenti ac veneratione imaginis Beatae Mariae Virginis cantae sunt in eadem ecclesia, hebdomadario parocho rev. dom. Richardo Perozicho.