Imagines de festo Sanctorum omnium et de commemoratione omnium fidelium defunctorum

In Vigilia Sanctorum Omnium,

ad primas Vesperas,

in ecclesia divo Carolo Borromaeo dicata.

Kalendis Novembris

Ad secundas Vesperas Sanctorum Omnium

in ecclesia Immaculatae Beatae Mariae Virginis Conceptioni dicata

In commemoratione omnium fidelium defunctorum,

ad Missam,

in ecclesia Immaculatae Beatae Mariae Virginis Conceptioni dicata

Per tres dies fratres Parvi Oratorii cum psalmistis Chori Breviarii laudes Deo ter fuderunt. Pervigilio enim Sanctorum Omnium preces vespertinae cantae sunt in ecclesia sancti Caroli Borromaei, Litore Imperiali, hebodmadario rev. dom. Burto Boudoin. Deinde, Kalendis Novembris, in ecclesia Immaculatae Conceptionis, secundae preces vespertinae auditae sunt, hebdomadario rev. patre Hariio Neely, O.S.A. Postremo, ante diem iv Nonas Novembres, Missa pro omnibus fidelibus defunctis celebrata est in eodem templo a rev. dom. Mattheo Alejo. Sacro expleto, absolutio ter facta est. Primo, in ecclesia ipsa. Secondo, cum eo per vias Veteris Urbis processisemus, ubi in antiquo sacello requiescit dominus Josephus Aguirre, qui domum suam donavit ut fieret prima ecclesia paroecialis Didacopolitana. Tertio, in propinquo campo sancto ecclesiae adnexo. Benigne suscipiat Deus orationes servorum suorum.

Processio Eucharistica per Parvam Italiam

In hoc situ interretiali plurimae imagines inveniuntur de processione Eucharistica quae  die dominico IV Octobris  facta est Didacopoli  per vias Parvae Italiae in honorem Mariae Sanctissimae Sacratissimi Rosarii. Fratres autem Parvi Oratorii, habitu confraternitatis Pretiossimi Sanguinis induti, ciborium gerebant super Sanctissimum Sacramentum, quod rev. p. Josephus Tabigue, C.R.S.P. portabat. 

Imago post Missam in honorem sancti Michaelis archangeli.

Ante diem iii Kalendas Octobres reverendus pater Harrius Neely, O.S.A. sacrum obtulit in honorem sancti Michaelis archangeli in ecclesia Immaculatae Conceptionis, fratribus psalmistisque canentibus ac ministrantibus. Etsi amatissimus sacerdos fragilis senex nunc sit, tum mens ejus acutissima manet, cum lux in oculis splendet juventutis a Deo laetificatae. Ad multos annos, Pater!